कावली येथे ग्रामगीता जीवन विकास परीक्षा संपन्न

श्रीगुरुदेव सेवा मंडळ व ला.मु.राठी विद्यामंदिरचा नाविन्यपूर्ण उपक्रम

धामणगाव रेल्वे

अखिल भारतीय श्री गुरुदेव सेवा मंडळ, गुरुकुंज मोझरीद्वारे आयोजित ग्रामगीता जीवन विकास परीक्षा विभाग अंतर्गत श्रीगुरुदेव सेवा मंडळ, कावली व ला.मु.राठी विद्यामंदिर कावली यांच्या संयुक्त विद्यमाने कावली गावामध्ये ग्रामगीता जीवन विकास परीक्षेचे आयोजन करण्यात आले होते.

ग्रामगीता जीवन विकासाची परीक्षा देताना विध्यार्थी 

या कोवळ्या कळ्या माजी, लपले ज्ञानेश्वर, रवींद्र, शिवाजी….ग्रामगीता

 कार्यक्रमाच्या अध्यक्षस्थानी मुख्याध्यापक सुधाकर मसराम तर प्रमुख पाहुणे म्हणून नितिन टाले, राजकुमार जांभळे, अशोक तितरे, निळकंठ भोंगाडे, लक्ष्मण मानकर, अभिजित ठाकरे , ग्रामगीताचार्य निलेश मोहकार उपस्थित होते. कार्यक्रमाच्या सुरूवातीला वं.राष्ट्रसंत तुकडोजी महाराज यांच्या फोटोचे पुजन व हारार्पण करण्यात आले. ‘गुरुदेव हमारा प्यारा’ संकल्पगीत गाऊन रीतसर परीक्षेला सुरुवात करण्यात आली. मुख्याध्यापक सुधाकर मसराम यांनी विद्यार्थ्यांना मार्गदर्शन व परीक्षेसाठी शुभेच्छा दिल्या. राष्ट्रसंत तुकडोजी महाराज यांनी लिखित ग्रामगीता या ग्रंथाचे विद्यार्थ्यांमध्ये वाचन, लिखाण व चिंतन व्हावे व आपले जीवन ग्रामगीतेच्या तत्वप्रणालीनुसार सुसंस्कारीत व्हावे या उद्देशाने या परीक्षेचे आयोजन करण्यात आले होते. प्रवेश परीक्षा,परिचय परीक्षा,प्रविण परीक्षा, ग्रामनाथ परीक्षा, ग्रामगीतारत्न परीक्षा या विविध गटामधून तब्बल ९० विद्यार्थ्यांनी या परिक्षेमध्ये सहभाग घेतला. राष्ट्रवंदना घेऊन परीक्षेचा समारोप करण्यात आला व शेवटी विद्यार्थ्यांना खाऊचे वाटप करण्यात आले.

           संपूर्ण परीक्षेच्या आयोजनासाठी व यशस्वीतेसाठी रमेश ठाकरे गुरुजी, केंद्रप्रमुख नीलकंठ भोंगाडे व ग्रामगीताचार्य निलेश मोहकार यांनी अथक परिश्रम घेतले.